ہرکام اس کے واسطے آسان ہو گیا میں سوچتا ہوں کیسے وہ سلطان ہو گیا

غزل 

ہرکام اس کے واسطے آسان ہو گیا

میں سوچتا ہوں کیسے وہ سلطان ہو گیا

شاید کہ آج کل کے کرونا کو دیکھ کر

بابو ہماری بکری کو یرقان ہو گیا

یوں حال چال لینے ہی آیا تھا میرے پاس

لیکن وہ لاک ڈاؤن میں مہمان ہو گیا

الفاظ  سارے کالے برابر تھے بھینس کے

ہوکر انگوٹھا ٹیک بھی پردھان ہو گیا

میڈھک اچھل رہے ہیں مرے گھر کے آس پاس

لگتا ہے میرا گھر بھی اب کھلیان ہو گیا

کرچھل کبھی سہا کبھی بیلن کے وار کو 

لگتا ہے جیسے بیوی کا پکوان ہو گیا

پھولے نہیں سماتا ہے مکھی کو مار کر

اجمل سمجھ رہا ہے کہ بلوان ہو گیا

محمد جمال اجمل