جائیں گے کوئے جاناں اک روز ہم عجم سے
دیکھیں گے پھر مدینہ اس اپنی چشم نم سے
مطلب نہیں ہے ہم کو دنیا کے جام جم سے
آنکھوں میں بھر کے آنسو حسرت سے دیکھتے تھے
نکلے تھے جس گھڑی وہ مکہ کے پیچ و خم سے
دین نبی کو باطل تو کیا مٹا سکے گا
ڈرتا نہیں ہے مومن بارود سے یا بم سے
پیارے نبی ہمارے رو کر دعا یہ کی ہے
امت کو بخش میری اللہ تو کرم سے
صدیق یار احمد ایسے نہیں بنے تھے
چلتے ملا ملا کر ان سے قدم قدم سے
قائم رہے گی دنیا جب تک یہاں پہ اجمل
اسلام کا دیا یہ جلتا رہے گا ہم سے
محمد جمال اجمل
کوئی تبصرے نہیں:
ایک تبصرہ شائع کریں