جس میں ریا دکھے وہ سخاوت نہیں قبول
شہرت کی چاہ ہو تو شہادت نہیں قبول
پڑھتے تو ہیں نماز مگر سوچتے ہیں کچھ
جب تک خلوص ہو نہ عبادت نہیں قبول
قول و عمل میں تیرے تو کافی تضاد ہے
مجھ کو تو آپ کی یہ شرافت نہیں قبول
رہبر کہاں وہ جس میں کوئی بھید بھاؤ ہو
میرے لئے تو اس کی خلافت نہیں قبول
گر تم خطا کرو تو نہیں کوئی بات ہے
ہم بھی وہی کریں تو ضمانت نہیں قبول
مرنے کے بعد جانا ہے میدان حشر میں
ہو چاہے جیسا کام خیانت نہیں قبول
کرنی ہے دشمنی تو پھر آگے سے وار کر
اجمل ہمیں تو چھپ کے عداوت نہیں قبول
محمد جمال اجمل
بہت بہت شکریہ بھائی سلامت رہیں
جواب دیںحذف کریں