ظالم تمہارا وار جو تیغ جفا کا تھا کس سے کہوں وہ زخم مرے دلربا کا تھا

غزل 

ظالم تمہارا وار جو تیغ جفا کا تھا

کس سے کہوں وہ زخم مرے دلربا کا تھا

الفاظ سارے دل میں اترتے چلے گئے

 افسانۂ حیات کسی پارسا کا تھا

سنتا ہے کس طرح سے وہ مظلوم کی صدا 

بستی میں سب کے پاس ہنر بد دعا کا تھا

برجستہ آنسوؤں کے ہی سیلاب آ گئے 

جیسے سنایا اس نے جو قصہ دغا کا تھا

قاصد کے ہاتھ ویسے ہی لوٹا دیا اسے 

پیغام میرے نام سے اک بے وفا کا تھا

سر کاٹ کر کے دے دیا لیکن جھکا نہیں

سودا بھی اس کے سامنے اپنی انا کا تھا

اجمل ہمارے پاؤں اچانک ٹھہر گئے

روڑا جو سامنے مرے وقت قضا کا تھا

محمد جمال اجمل