حلیمہ سعدیہ اور آمنہ کی خوب قسمت ہے کہ جن کی گود میں بچپن نبی کا خوبصورت ہے

غزل 

حلیمہ سعدیہ اور آمنہ کی خوب قسمت ہے 

کہ جن کی گود میں بچپن نبی کا خوبصورت ہے

سنا دو ان کو  یہ مژدہ  نبی کو مانتے ہیں جو 

مطیع مصطفیٰ کا تو ٹھکانہ باغ  جنت ہے

کتاب اللہ اور سنت نبی کی مانتے ہیں ہم 

ہمیں دنیا میں اب اس کے علاوہ کیا ضرورت ہے

نبی کو جان و مال اولاد سے پیارا سمجھتا جو 

وہی ہے مومن کامل کہ جس دل میں محبت ہے

یوں تو انسان ہوں بچنا نہیں ممکن گناہوں سے

مگر ہوں امتی محشر میں امید  شفاعت ہے

محمد مصطفیٰ پر رشک کرتے چاند تارے سب 

ہے صورت خوبصورت جس قدر ویسی ہی سیرت ہے

جہنم میں ٹھکانہ ڈھونڈ لی جیتے جی وہ اجمل 

نبی کے واسطے جس دل میں ذرہ بھر عداوت ہے

محمد جمال اجمل