غزل
غریبی میں فقط آہ و فغاں محسوس ہوتا ہے
قفس ہی اب مجھے اپنا مکاں محسوس ہوتا ہے
تمہارے جاتے ہی لگتا ہے سب کچھ لٹ گیا اپنا
یہ اب جانا اکیلا پن گراں محسوس ہوتا ہے
وہ جس ڈالی پہ بیٹھاہے اسی کو کاٹتا بھی ہے
لگے ٹھوکر نہ جب خود سے کہاں محسوس ہوتا ہے
مرے دل میں لگائی تھی کبھی جو آگ الفت کی
مگر اب بھی وہ سینے میں دھواں محسوس ہوتا ہے
یہ مت سمجھو دغابازی سے میں واقف نہیں کچھ بھی
وہاں تم جو بھی کرتے ہو یہاں محسوس ہوتا ہے
مجھے اپنائیت کا جب بھروسہ تم دلاتے ہو
تب اپنا ہی تو ہے سارا جہاں محسوس ہوتا ہے
ہم اجمل شوق سے کرتے ہیں سب کی خواہشیں پوری
مگر ماں کے لئے بار گراں محسوس ہوتا ہے
محمد جمال اجمل
کوئی تبصرے نہیں:
ایک تبصرہ شائع کریں