Urdu Mahfil I Made "www.urdumahfil.com" Website for those people who love to read latest sad sashayri,Articals and latest urdu news. Every day i publish new posts releted these topics. Thanks for vistiing us.

یہاں آپ کو تازہ ترین خبریں دلچسپ اشعار،مضامین اور دینی مسائل وغیرہ کے بارے مے جانکاری ملے گی

تازہ ترین

چہرہ کوئی مرجھائے تو لگتا ہے کہ تم ہو

چہرہ کوئی مرجھائے تو لگتا ہے کہ تم ہو 
urdumahfilسینے سے صدا آئے تو لگتا ہے کہ تم ہو 

مدت کا شناسا کسی سنسان گلی میں 
کترا کے نکل جائے تو لگتا ہے کہ تم ہو 

جب تیز ہواؤں میں کسی شوخ کا آنچل 
چہرے پہ مچل جائے تو لگتا ہے کہ تم ہو 

چھو کر دمِ گفتار کسی شیریں دہن کو 
جھونکا کوئی آ جائے تو لگتا ہے کہ تم ہو 

وحشت بھری راتوں میں کبھی راحتِ جاں کا 
سر شانے پہ آ جائے تو لگتا ہے کہ تم ہو 

دہشت زدہ ماحول میں جب کوئی مسیحا 
بیمار سے ڈر جائے تو لگتا ہے کہ تم ہو 

جب موت سے لڑتا کوئی محرومِ عیادت
اپنوں کو ترس جائے تو لگتا ہے کہ تم ہو 

تھا جس پہ فدا ایک جہاں اس کو پسِ مرگ 
کاندھا بھی نہ مل پائے تو لگتا ہے کہ تم ہو 

جب "یومَ یفِرُّ..." کا اک ادنی سا نظارہ 
دنیا میں نظر آئے تو لگتا ہے کہ تم ہو 

امراء کے تحفظ کے عوض شہر کا نادار 
بے موت ہی مر جائے تو لگتا ہے کہ تم ہو 

محفل جو حیا سوز مناظر سے تھی معمور 
ویران نظر آئے تو لگتا ہے کہ تم ہو 

بے کیف نمازوں کے لئے خانۂ رب کا 
دروازہ نہ کھل پائے تو لگتا ہے کہ تم ہو 

خود ساختہ مشکل کشا آقاؤں کی وقعت 
انسان سمجھ جائے تو لگتا ہے کہ تم ہو 

اک ننھی سی مخلوق سے انجان سا خطرہ 
دِل دِل میں سما جائے تو لگتا ہے کہ تم ہو 

قدرت کے مقابل میں کھڑا آدمِ خاکی 
اوقات میں آ جائے تو لگتا ہے کہ تم ہو 

بد مست ہوئے سارے خدایانِ جہاں کا 
سب نشّہ اتر جائے تو لگتا ہے کہ تم ہو 

🖊 عبد البر مدنی

کوئی تبصرے نہیں:

ایک تبصرہ شائع کریں

Post Top Ad

Your Ad Spot

???????